Parkir Rodha 4

Cak Sur nggawe seminar digawe pengusaha cik usahane tambah gedhe. Cik mentereng digelar ndhuk hotel bintang. Pesertane uakeh sampek parkiran bek. Petugas parkir menehi pengumuman, “Sing duwe rodha papat diparkir ndhuk parkiran ngguri cik cukup.”

Pendik ambek Pi’i sing dadi peserta age-age metu ruangan. “Sik, Cak. Aku tak mindhah parkir.”

Cak Sur gumun. Tibakno arek loro iku saiki wis dadi pengusaha. Batine Cak Sur, arek loro iku wis sugih temen. Tumpakane ae mobil. “Wah, koen sukses ya saiki. Biyen awake dhewe byur-byuran ndhuk Kali Suroboyo bareng. Saiki koen wis dadi pengusaha.”

Pendik mesem. Pi’i manthuk-manthuk. Tapi dhiluk maneh onok pengumuman susulan. “Tulung ya, sing gak duwe rodha papat ojok parkir ndhuk parkiran ngguri.”

Bolak-balik dibengoki, Cak Sur grisien. “Rek, iku ngono khusus parkir rodha papat, mobil.”

Pendik ambek Pi’i ngadek. “Ayo, I, gledhekan banyune disingkirna.”

“Koen iku markir gledhekan banyu? Laopo ndhuk parkiran mobil?” Cak Sur gumun. “Koen eruh ta gak, iki seminar digawe pengusaha!”

“Lho, jare mau parkiran rodha papat. Koen sangkakno gledhekan banyu rodhane sitok ta?” jare Pi’i.

Pendik malangkerik. “Prasamu aku iki duduk pengusaha ta? Dodolan banyu gledhekan iki yo usaha,” jare Pendik.nend

Dibaca: 294 kali